«Баатарай нэрэ мүнхэ» гэhэн номой ба музейн архивhаа выставкэ

Могойтын аймагай Норпол Очировай нэрэмжэтэ номой сан соо майн 11-дэ «Герой Советского Союза Базар Ринчино» гэһэн суглуулбари номой презентаци үнгэрөө. Сугларагшадые Могойтын аймагай Сагаан-Уула нютагай баатар хүбүүнэй бага балшар наһанһаа эхилээд, хатуу үеын хүн зоной тоодо шэн зоригтой сэрэгшэн боложо, Эхэ ороноо халуун бэеэрээ хамгаалан унаһан тухай  «Баатарай нэрэ мүнхэ» гэһэн выставкэ танилсуулба. Эндэ гансашье номууд бэшэ, харин Сагаан-Уула нютагай музейн фотозурагууд, эрилхэг сэрэгшэн Ринчиногой ами наһаяа үгэһэн Украина гүрэнһөө асарһан бэлэгүүд, номууд табигдаба.